Sigríður Ósk

21.9.2010 | 20:57

Sigurður Tryggvi

Vestfirðingar/ísfirðingar

Undirrituð kynnir

Sigurð Tryggva Guðjónsson

Fæddur 3.ágúst 1905

Látinn 22. sept. 1962

Þann merka listamann og mannvin.

Hann málaði flott málverk, teiknaði af hjartans list.

Kenndi myndlist í gagnfræðiskóla ísafjarðar.

Einnig málaði hann öll leiktjöld fyrir leikfélagið á staðnum,

og smynkaði leikarana.

Sigurður teiknaði og hannaði harðarbúninginnn fyrir íþróttarfólk

karla og kvenna sem er glæsilegur og fallegastur búningur landsins að mínu mati.

Einnig var hann lærður múrari og meistari í þeirri grein.

Nemendur hafði hann ófáa og var mjög vel liðinn af þeim.

Vann við sundhöll ísafjarðar málaði mynd í botn hennar

sem þið sjáið meðal mynda sem fylgja hér með.

Mörg hús á ísafirði teiknuð af honum.

En aftur að málverkunum, við ættingjar hans ákváðum að hafa málvekasýningu

Honum til heiðurs að verkum hans þegar liðin voru 100 ár frá fæðingu Sigurðar.

Ákveðið var að halda sýningu hans í listasal Ísafjarðar Slunkaríki, en ein mynd

Sigurðar sólon í slunkaríki var gefin til safnsins af ættingjum Sigurðar eftir lát hans.

Og þá var safnið nýstofnað. Svo ekki var langsótt

að nefna safnið eða hvað finnst ykkur ?

Því miður varð aldrei neitt af þessum draumum okkar

og það kom margt til sem ég nefni ekki hér.

En ég neitaði að gefast upp fann lausnina á netinu

og hér Vestfirðingar/ísfirðingar getið þið skoðað nokkrar af myndum hans

og ljósmyndum sem ég hef fengið hjá vinum og ættingjum, við þetta verkefni mitt að gera Sigurð Tryggva sýnilegan í verkum sínum því hann lifir þar um ókominn ár.

Með virðingu Sigríður Ósk Óskarsdóttir bróðurdóttir Sigurðar Tryggva.

e.s.

Sigurður Tryggvi átti heima lengst af í Túngötu 13 en það hús teiknaði hann og byggði húsið ásamt föður sínum Guðjóni Sigurðssyni móður Guðmundínu Salome Jónsd. ásamt bræðrum sínum. En börn þeirra urðu 9 talsins en misstu 2 börn dreng Jón Kristján og stúlku Sigríði ósk í frumbernsku. Að lokum vil ég að þið njótið myndanna og málverkanna hans og upplýsist um hvað við áttum merkan listamann.